Janë mbyllur 45 minutat e para të dy takimeve të orës 17:00 të vlefshme për javën e 31-të Kategorisë Superiore.
Kështu Teuta kryeson 0-1 në transfertë përballë Vllaznisë. Goli u shënua nga Sherif Kallaku në minutën e 16-të. 22-vjeçari u tregua i saktë nga pika e bardhë e penalltisë duke i dhënë avantazhin skuadrës së tij.
Nga ana tjetër, pjesa e parë në ndeshjen mes Kukësit dhe Bylisit është mbyllur me rezultatin 1-0 në favor të verilindorëve. Edhe kjo ndeshje u zhbllokua me anë të një 11-metërshi, aty ku Shkurtaj nuk fali dhe realizoi golin e 21-të në kampionat.
