Barcelona u ndal në një barazim 2-2 në trasnfertë kundër Celta Vigos.
Katalanasit kaluan dy herë në avantazh me anë të Luis Suarez, por skuadra galiciane ia doli në të dy rastet të barazonte takimin.
Bomberi uruguaian u rikthye te goli pas një kohe të gjatë dhe realizoi dy të tillë sot. Në të dy rastet u asistua nga Leo Messi.
Rusi Smolov dhe Iago Aspas ishin autorët e golave për Celtan, që mori një pikë shumë të rëndësishme për mbijetesën.
Një rezultat zhgënjyes ky për katalanasit që nuk po tregojnë një formë të mirë. Tashmë Real Madrid ka mundësinë të shkëputen me dy pikë në ndeshjen ndaj Espanyol ditën e nesërme.
