Jurgen Klopp, ka folur menjëherë për “Sky Sport” pasi skuadra e tij, Liverpool, u shpall kampion i Anglisë. Trajneri gjerman dukshëm i mbërthyer nga emocionet e mëdha shpërtheu në lot.
“Për fat të keq, nuk kam fjalë për ta përshkruar këtë ndjesi”, tha fillimisht Klopp. “Është diçka e pabesueshme. Diçka shumë herë më e madhe se sa e kisha imagjinuar. Të shpallesh kampion me këtë klub, është një arritje e pabesueshme.
Duke e ditur sa shumë Kenny (Daglish) na ka mbështetur, e ka ndërtuar këtë klub me shpirtin e tij, ma bënte më të lehtë të motivoja lojtarët. Më vjen keq që t’u desh të prisje 30 vite. Ky titull është edhe për Stevie (Gerrard), i cili ka pritur për shumë vite. Është thjesht e pabesueshme”, u shpreh Klopp.
Klopp in tears is just ❤pic.twitter.com/Ilx0fB1FaO
— GOAL (@goal) June 26, 2020
