Në 24 orët e fundit në Krujë janë konfirmuar 8 raste të reja me koronavirus, nga 32 testime të kryera. Mësohet se kryesisht rastet e konfirmuara janë kontakte të rasteve të mëparshme. Kruja, pjesë e qarkut të Durrësit është një nga qytetet më të prekura nga Covid-19, në raport me numrin e popullsisë.
Shkak i përhapjes së koronavirusit në këtë qytet janë bërë fasoneritë, që u kthyen në vatra infektimi. Gjithashtu dy raste janë konfirmuar në Arapaj dhe Rrashbull të Durrësit, ku më parë nuk ka pasur raste infektimesh. Raportohet se dy rastet janë zbuluar pas 13 testeve të kryera.
Më parë u raportuan rastet e reja në Gjirokastër ku u konfirmuan 4 pacientë dhe në Korçë, ku e prekur rezultoi një 80-vjeçare.
