Sulmuesi argjentinas, Sergio Aguero, iu nënshtrua operacionit ditën e sotme në qytetin e Barcelonës.
Argjentinasi u dëmtua dy ditë më parë në gju, në përballjen me Burnleyn ndërsa ndërhyrja kirurgjikale ishte e paevitueshme.
Lajmin e ka dhënë vetë sulmuesi argjentinas i “citizens”, nëpërmjet një postimi në rrjetet sociale, ku ka treguar se gjithçka ka shkuar mirë dhe se shumë shpejt do të nisë rikuperimin.
“Ka shkuar gjithçka mirë dhe shumë shpejt do të nis rikuperimin. Falenderim për profesor Cugat dhe stafin e tij, për të gjithë mbështetjen që më kanë dhënë”, shkroi Aguero në rrjetet sociale.
Sulmuesi argjentinas pritet të nisë shumë shpejt rikuperimin, ndërsa shpresat e trajnerit Guardiola janë që ta ketë gati Agueron për sfidat e ligës së Kampionëve, të planifikuara për në muajin gusht.
