Guardia di Finanza sekuestroi një firmë në Salenton e Poshtëm, që operonte në sektorin e administrimit të pijeve pasi, nga hetimet ka rezultuar se është në duart e krimit të organizuar.
Hetimet janë koordinuar nga Drejtoria Distriktuale Antimafia, kërkuar në bazë të Kodit Antimafia ndaj një personi të konsideruar të rrezikshëm për shoqërinë, i angazhuar në trafikun ndërkombëtar të drogës.
Hetimet e kryera nga Grupi Hetimor i krimit të organizuar të policisë ekonomiko-financiare të Leçes kanë provuar përkatësinë e firmës nga një qytetar shqiptar, thuajse pa të ardhura.
Financierët kanë vërtetuar se si bërthama familjare e shqiptarit ka pasur një fluks parash që nuk korrespondojnë me të ardhurat e deklaruara, që nuk mjaftojnë as për nevojat e tyre personale, dhe që nuk kanë shpjegim tjetër përveç gjenerimit nga aktivitet kriminale.
Domethënës në këtë aspekt është zbulimi i 90 mijë eurove brenda kompleksit, shumë që nuk i përket administrimit të ushqimeve e pijeve.
Gjykata e Leçes vendosi sekuestrimin e dy llogarive bankare dhe të aktivitetit komercial, vlera e të cilit konsiderohet mbi 250 mijë euro.
