Një 56-vjeçar shqiptar humbi jetën nga dëmtimet e rënda që mori pasi ra nga çatia e një ofiçine ku po kryente disa punime.
Ngjarja e rëndë ndodhi në Prato, pranë Firences, rreth orës 9:30, të mëngjesit të sotëm.
Në vendngjarje mbërritën menjëherë karabinierët, policia bashkiake dhe mjekët e urgjencës.
Sipas rindërtimit të ngjarjes, viktima, i lindur në Shqipëri, por banues prej vitesh në Firence, po zëvendësonte disa tjegulla në kapanonin e ofiçinës kur shkeli mbi një dritare dhe u rrëzua.
Drejtuesi i ofiçinës dha menjëherë alarmin dhe njoftoi urgjencën, por dëmtimet e marra ishin shumë të rënda dhe fatale për punëtorin.
