Ish-ministri i Drejtësisë, Ylli Manjani, përmes një postimi në rrjetet sociale, ka bërë një historik të shkurtër mbi raportet e Shqipërisë me Perëndimin.
Manjani shkruan se ndërsa Berisha nënshkroi anëtarësimin e Shqipërisë në Këshillin e Europës dhe NATO, nënshkroi liberalizimin e vizave, Edi Rama ka nënshkruar vetëm padi kundër gazetarëve që i ka humbur.
“Edi Rama, lideri global, mik me presidentët e Amerikës, shefi i Internacionales (së lodhur) Socialiste, kryetari i radhës së OSBE, mbahet mend se: nënshkroi vetëm padi ndaj gazetarëve të huaj dhe humbi gjyqet me turp.
Është kryetari i vetëm i OSBE i pozicionuar kundër zgjedhjeve të lira e fjalës së lirë…”, shkruan Manjani.
Postimi nga Manjani
Historik i shkurtër.
30 vitet e fundit, në historinë e raporteve Shqipëri perëndim, janë këto ngjarje:
1. Ramiz Alia nënshkroi anëtarësimin në KSBE(sot OSBE).
2. Sali Berisha nënshkroi anëtarësimin në Këshillin e Europës e NATO.
3. Sali Berisha nënshkroi edhe liberalizimin e lëvizjes së lirë në Europë.
Këto janë momente historike të njohura. Na pëlen apo jo, këto janë faktet. Ramizi e Saliu kanë nënshkrimet e tyre në akte të mëdha të hapjes së vendit ndaj perëndimit.
Ndërsa Edi Rama, lideri global, mik me presidentët e Amerikës, shefi i Internacionales (së lodhur) Socialiste, kryetari i radhës së OSBE, mbahet mend se: nënshkroi vetëm padi ndaj gazetarëve të huaj dhe humbi gjyqet me turp.
Është kryetari i vetëm i OSBE i pozicionuar kundër zgjedhjeve të lira e fjalës së lirë…
