Duke marrë shkas nga humbja e Juventusit ndaj Napolit në finalen e Kupës së Italisë, ylli i bardhezinjve, Cristiano Ronaldo është sulmuar nga të gjitha anët duke u kritikuar për paraqitjen e tij dhe madje është bërë objekt i talljeve në rrjetet sociale.
Nga kjo situatë ka përfituar edhe presidenti i La Liga-s, Javier Tebas, i cili njihet për përplasjet e tij me portugezin. Kreu i futbollit spanjoll tha se largimi i Ronaldos nga Real Madrid te Juventus, nuk është ndjerë aspak në La liga dhe se ndryshe do të ishte situate në qoftë se i larguari do të ishte Lionel messi.
“Normalisht, largimi i Cristiano Ronaldos i acaroi tifozët e Real Madrid”, tha fillimisht kreu i La Liga-s. “Kampionati spanjoll është platforma e duhur për të parë në fushën e lojës kampionë të shumtë dhe yjet më të mëdhenj të futbollit.”
Por vetëm Lionel Messi është ndryshe, ai është futbollisti më i mirë i të gjitha kohërave. Nëse Messi do të largohej nga kampionati spanjoll, mungesa e tij do të ndihej shumë. Messi është ikonë e futbollit spanjoll dhe dua që ai të tërhiqet nga futbolli duke luajtur në Spanjë”, përfundoi Tebas.
