Gazetari Enton Abilekaj tha mbrëmjen e sotme në emisionin “Open” se heqja e koalicioneve parazgjedhore i intereson Partisë Socialiste.
Kjo nismë është ndërmarrë nga deputetë të asaj që njihet si “opozita e re”, por është mbështetur edhe nga deputetë të grupit socialist, ose të afërt me të.
Abilekaj tha se heqja e koalicioneve nuk është në interesin opozitar, por as të “opozitës parlamentare”.
Pjesë nga debati:
Abilekaj: Heqja e koalicioneve nuk është në favorin tuaj.
Murrizi: Enton, në mënyrë indirekte listat e hapura nuk lejojnë koalicione.
Abilekaj: Edhe në Kosovë ka lista të hapura por koalicione bëhen.
Murrizi: Dështoi Shpend Ahmeti që kishte koalicon me Ramush Haradinaj.
Abilekaj: Heqja e koalicioneve parazgjedhore i shërben Edi Ramës dhe Partisë Socialiste.
Murrizi: Nuk më plas mua për Partinë Socialiste.
