Nga Boldnews.al
Qeverisemi nga një person që bën ndere për një qëllim të caktuar. Bacën Baton, kryeministri Edi Rama e ka si “shef kuadri” për të kryer punësime të shtetasve kosovarë, të cilët u gjen punë dhe punë jo dosido, por ministra. Të tillë janë Gent Cakaj dhe Besa Shahini, duke i kthyer ministritë që drejtojnë si Organizata Jo Qeveritare që punojnë pa ide dhe qëllim, por vetëm me propagandë!
Sot maturantët kanë zbritur në shesh në një protestë masive para Ministrisë së Arsimit, pas provimit të letërsisë, tezat e të cilës i konsiderojnë absurde dhe jashtë kurrikulave që ata kanë ndjekur në tre vitet e fundit.
Sipas maturantëve, pyetjet e testit ishin shumë abstrakte dhe ato kërkojnë të mos penalizohen, referuar edhe kushteve në të cilat është zhvilluar mësimi online në të paktën 3 muaj për shkak të pandemisë.
Ata po protestojnë, madje në shenjë revolte bënë “omletë” ballinën e Ministrisë së Arsimit duke hedhur vezë drejt saj, aty ku ministrja Besa Shahini qëndron në zyrë. Është një personazh që mund të jetë mëkat të merresh me të, kjo për shkak të formimit dhe padijes së theksuar për të kuptuar asimin shqiptar, por përderisa drejton “ministrinë e dijes”, po merremi me thelbin e problematikës.
Në kohën e pandemisë mburrej se ishte zgjidhur çështja e mësimit online, por kurrë nuk e përmendi se në më shumë se 20 % të territorit nuk kishte internet dhe familjet në nevojë nuk dispononin as telefonë të thjesht dhe jo më oferta interneti për të mundësuar mësimin online për fëmijët.
Po ashtu la për shumë kohë një kakofoni të madhe për zgjedhjet e reja në Universitetin e Tiranës, duke shtuar konfliktin Rektor-Dekanë. Gjithashtu në kohën kur shpërthyen skandalet seksuale në Liceun Artistik në Fier, ku profesori i muzikës kërkonte favore seksuale nxënëses së mitur, ministrja merrej me mediat që publikuan perversitetin e mësuesit dhe jo me makabritetin që bëhej brenda shkollave. Duhet të shkundte nga themelet gjithë Drejtorinë Arsimore të Rrethit, por ajo “tundi” vetëm këmborën që i ka vënë në qafë “Baca Baton”.
Ministra Besa Shahini, vjen nga radhët e Organizatave Jo Qeverifate (OJQ) të cilat janë mësuar të punojnë me projekte të financuara nga organizma të ndryshëm, apo personazhe kontroverse si Xhorxh Soros, por Besa është produkt i Baton Haxhiut, që përveçse është kthyer në “bojaxhiun” më të madh të kryeministrit Edi Rama, duke e mbrojtur deri në marrëzi, na ka lënë peshqesh drejtimin e dy ministrive kyçe, të Arsimit dhe të Jashtme.
Tashmë poshtë zyrës së saj ka me qindra maturantë të cilët shprehen të vendosur për të vijuar protestën, madje kanë kërcënuar deri në bojkotim të provimeve të tjera nëse nuk merret në konsideratë qëndrimi i tyre për të ndryshuar metodologjia e provimeve të cilat ata duket se i penalizon. Për ministren vlet një poezi ironikë e Fan Nolit: “Ti Halim që “s’di këndim, të bëjmë ministër për arsim”, i vetmi ndryshim është: Ti Shahin që s’di këndim…!
