Një tjetër pacient i shtruar në Spitalin Infektiv ka humbur jetën si pasojë e Covid-19, duke e çuar në 36 persona numrin e të vdekurve si pasojë e koronavirusit.
Sipas të dhënave zyrtare, pacienti ishte nga Durrësi, i moshës 71-vjeç, i cili ndodhej i shtruar në spital prej dy javësh.
Në spitalin Infektiv janë të shtruar 48 persona, 7 prej të cilëve ndodhen në terapi intensive. Në 24 orët e fundit raportohet se janë shërur 33 qytetarë.
Në total, sipas Ministrisë së Shëndetësisë, janë aktivë me koronavirus 346 persona, pjesa më e madhe e të cilëve ndodhen në Tiranë.
“Në vendin tonë janë aktualisht 346 persona aktivë me COVID19, kryesisht në Tiranë, Shkodër, Krujë ku ka transmetime komunitare”, thuhet në njoftimin zyrtar të Ministrisë
Shpërndarja gjeografike e rasteve aktive është si vijon:
Tiranë 199
Shkodër 45
Krujë 32
Kamëz 23
Durrës 15
Pukë 7
Lushnje 6
Vlorë 6
Elbasan 3
Mat 2
Tropojë 2
Korçë 1
Librazhd 1
Mallakastër 1
Lezhë 1
Berat 1
Ura Vajgurore 1
