Zbardhen të tjera detaje nga ekzekutimi me armë zjarri i Hekuran Billës, në ‘Komunën e Parisit’ në Tiranë. Mësohet se Billa është qëlluar në ecje e sipër në makinën e tij tip ‘BMW X6’. Burime bëjnë me dije se 40-vjeçari është ekzekutuar me një armë me silenciator.
Një gjë e tillë konfirmohet edhe nga banorët të cilët thonë se nuk kanë dëgjuar të shtëna me armë, por vetëm një zhurmë si të një aksidenti, pasi automjeti është përplasur edhe me dy makina të tjera që ishin të parkuara në atë zonë.
Dyshohet se autori është identifikuar si një i ri me kapele, ndërsa dyshohet të jetë ndihmuar dhe nga dy persona të tjerë. Burime për mediat, bëjnë me dije se pak minuta pas ngjarjes së rëndë, një automjet është gjendur i djegur në Pezë të Vogël. Dyshohet se makina, u përdor nga autorët të cilët ekzekutuan Hekuran Billën në Tiranë, por ende nuk ka një konfirmim zyrtar nga autoritetet.
Dyshohet se autori është identifikuar si një i ri me kapele, ndërsa mendohet të jetë ndihmuar dhe nga dy persona të tjerë.
Hekuran Billa, i njohur ndryshe si Herland Bilali, është një emër i njohur për drejtësinë angleze. Ai është dënuar me burgim të përjetshëm për vrasjen e Prel Markut, ngjarje e ndodhur në 2006. Ai u shpall fajtor për tre akuza, “Vrasje” , “Vrasje” mbetur ne tentative dy herë si dhe “Plagosja me dashje për të shaktuar lëndim të rëndë trupor”.
Dy persona të tjerë u plagosën nga plumbat gjatë të shtënave. Pronari i klubit Musa Rrahmani u plagos edhe u hodh nga dritarja e katit të dytë për të shpëtuar. Vendimi i drejtësisë angleze është njohur dhe nga Gjykata e Apelit në Tiranë. Në një dokument zyrtar, thuhet se “vuajtja e dënimit për Billën të fillojë në 15 nëntor 2007”, pra një vit pas ngjarjes. Që do të thotë se Billa ka qenë i arrestuar në Shqipëri, por mbetet e paqartë se si ka dalë nga burgu.
LEXO EDHE:
Digjet një automjet në Pezë të Vogël, dyshohet se u përdor nga ekzekutorët e Hekuran Billës
Vrasja në Tiranë/ Kush është Hekuran Billa dhe e shkuara e tij (Foto)
