Zbardhen të tjera detaje nga ekzekutimi me armë zjarri i Hekuran Billës këtë mbrëmje, në ‘Komunën e Parisit’ në Tiranë.
Burime për Boldnews.al. bëjnë me dije se në Pezë, është djegur një automjet, i cili dyshohet se u përdor nga autorët në vrasjen ndaj Hekuran Billës në Tiranë.
Mësohet se Billa është qëlluar në ecje e sipër në makinën e tij tip ‘BMW X6’. Burime bëjnë me dije se 40-vjeçari është ekzekutuar me një armë me silenciator.
Një gjë e tillë konfirmohet edhe nga banorët të cilët thonë se nuk kanë dëgjuar të shtëna me armë, por vetëm një zhurmë si të një aksidenti, pasi automjeti është përplasur edhe me dy makina të tjera që ishin të parkuara në atë zonë.
Dyshohet se autori është identifikuar si një i ri me kapele, ndërsa mendohet të jetë ndihmuar dhe nga dy persona të tjerë. Ngjarja që tronditi Tiranën raportohet të ketë ndodhur për gjakmarrje.
Hekuran Billa, është një emër i njohur për drejtësinë angleze. Në vitin 2006, raportohet se Billa ka vrarë një person të identifikuar si Prel Marku.
Ende nuk dihet kush është vrasësi, ndërsa mësohet se janë ngritur postoblloqe si dhe po këqyren kamerat e sigurisë në zonë për të identifikuar dhe ndaluar autorin.
LEXO EDHE:
Vrasja në Tiranë/ Kush është Hekuran Billa dhe e shkuara e tij (Foto)
