Një i dënuar në burgun e e Zaharisë në Krujë është gjetur i pajetë mbrëmjen e djeshme.
Dyshohet se Zamir Topi ka kryer vetëvrasje.
Ai u gjet i varur nga rojet e burgut.
Topi ishte dënuar për vrasjen e Dashnor Osmanit, ngjarje e ndodhur në pazarin e Korçës rreth 4 muaj më parë.
Autori vuante dënimin në burgun e Fushë- Krujë pasi ishte me probleme të shëndetit mendor.
Ngjarja
4 muaj më parë Zamir Topi ka goditur me sëpatë në kokë shtetasin Dashnor Osmani duke e lënë të vdekur në vend në Pazarin e Korçës. Vetëm pak minuta më pas ai u kap nga policia duke mbajtur sëpatën në dorë.
Zamir Topit, deklaroi në polici se shkak për ngjarjen e rëndë është bërë një sherr me Dashnor Osmanin për varrin e nënës.
Autori pretendonte se Topi, i cili shiste banane në zonën e Pazarit të Korçës, i ka dëmtuar varrin e nënës.
Topi dhe Osmani kanë varrosur në 2014 në Korçë të afërmit pranë njëri-tjetrit, dhe autori i krimit kishte ngritur pretendimet se Dashnor Osmani i kishte dëmtuar rëndë varrin e nënës së tij.
Zamir Topi ka pohuar se i kishte kërkuar Osmanit të hiqte varrin e të afërmit nga aty dhe t’i rregullonte varrin e nënës. Mes Osmanit dhe Topit, ka pasur konflikt të vazhdueshëm për këtë çështje.
Gjatë marrjes në pyetje mësohet se Topi ka shfaqur pendesë për krimin.
Ndërkohë që Familja e autorit që kishin më shumë se 1 muaj qe nuk kishin komunikuar me të në fshatin Pocestë ka hapur dyert e mortit.
