Një granatë ofensive është gjetur sot pranë Drejtorisë së Policisë së Tiranës. Granata e vjetër, e paplasur, u gjet nga punonjësit e Ujësjellës Kanalizimeve në Tiranë, gjatë punimeve që po kryenin.
Mësohet se punonjësit e kanë gjetur granatën teksa ishin duke punuar për një tubacion në rrugën “Vangjel Furxhi”, pranë drejtorisë së Policisë së Tiranës.
“Me date 05.06.2020, ora 15:50, në rrugën “Vangjush Furxhi”, punonjësit e UKT-së, duke punuar kane gjetur një granatë ofensive te vjeter”, thuhet në një njoftim.
