Gjykata e Posaçme e Apelit heq masën e pezullimit për anëtarin e KPA, Luan Daci

Gjykata e Posaçme e Apelit ka rrëzuar masën e pezullimit nga detyra për gjyqtarin Luan Daci. Vendimi është bërë i njohur nga avokati Jordan Daci.

Sipas tij, vendimi i gjykatës parimisht rrëzon çështjen, pasi i përket vetëm Gjykatës Kushtetuese që mund të shprehet për një çështje të tillë.

Jordan Daci tha se gjyqtari Daci ka statusin e anëtarit të Kushtetueses dhe i takon vetëm Gjykatës Kushtetuese që mund të shprehet për një situatë të tillë.

Trupa e Apelit përbëhej nga gjyqtarët Nure Drini, Nertina Kosova dhe Dhimitër Lara.

LEXO EDHE  Humbi betejën me COVID/ Viktima, ish-volejbolliste e Vllaznisë

Pak ditë më parë, Gjykata e Posaçme Antikorrupsion la në fuqi vendimin për pezullimin e komisionerit të KPA-së Luan Daci.

Luan Daci, anëtar i Kolegjit të Posaçëm të Apelimit akuzohet nga SPAK për fallsifikim dokumentash. Ai ka fshehur shkarkimin nga detyra e gjyqtarit në vitin 1997 nga dosja e aplikimit për komisioner të KPA-së. SPAK më 20 maj e pezulloi nga detyra.

Pas vendimit të Apelit, Daci rikthehet në detyrë si anëtar i KPA-së.