Heung-Min Son është një nga lojtarët më të mirë te Tottenham por edhe në Premier League. Sulmuesi koreano jugor duke përfituar nga pezullimi i futbollit për shkak të pandemisë së coronavirusit arriti të shlyejë detyrimin ushtarak në vendlindje.
Tre javë të vështira plot stërvitje ushtarake kaloi 27-vjeçari, i cili ka rrëfyer eksperiencën e provuar për sajtin zyrtar të klubit londinez. Son vuajti jo pak, por e shijoi në maksimum periudhën e kaluar me shokët e rinj.
“Ishte një përvojë e veçantë. Nuk mund të tregoj gjithçka që bëra, por më ka pëlqyer si eksperiencë. Djemtë e tjerë u treguan të këndshëm me mua. Kalova tre javë të vështira, por u përpoqa ta shijoj si aventurë.”
Kemi kaluar gjithë kohën së bashku, qëndronim 10 veta në një dhoma. Djemtë nuk flisnin fare në fillim, më pas nisëm të qeshnim dhe bënim shaka të gjithë së bashku“, – ka thënë sulmuesi.
