La Liga rikthehet në datën 11 qershor, ndërsa Barcelona do të luajë ndeshjen e saj të parë pas thuajse tre muajsh dy ditë më vonë kundër Mallorcas.
Por në prag të rifillimit të sezonit 2019-2020, Barcelona ka marrë një lajm të keq pasi Lionel Messi është dëmtuar në stërvitje. Argjentinasi ka ndjerë dhimbje shqetësuese në kofshën e djathtë duke u detyruar të braktisë stërvitjen.
Për të përcaktuar shkallën e dëmtimit duhet pritur përgjigja e testeve por sipas medieve spanjolle, Messi rrezikon ndjeshëm sfidën kundër Mallorcas në datë 13 qershor.
Problemet muskulore të Messit u shfaqën ditën e martë, ndërsa të mërkurën ai nuk u paraqit në seancën stërvitore.
