Ditën e nesërme, drejtuesit e Serie A do të bëjnë publik kalendarin e ri për ndeshjet e mbetura të sezonit 2019-2020.
Ndërkohë ashtu siç raporton “Il Messaggero”, javët e mbetura të Serie A do të luhen në tre orare të ndryshme. Kampionati Italian do t’i luajë ndeshjet e saj në orën 17:00, 19:15 dhe 21:30 duke shmangur kështu temperaturat e larta të muajit qershor dhe korrik.
Asnjë skuadër, sipas asaj që shkruhet, nuk do të luajë më shumë se dy ndeshje në javë. Juventus – Lazio, ndeshja e madhe për titullin, në javën e 34-t, do të luhet, me shumë mundësi të hënën e 20 korrikut.
Megjithatë asgjë nuk është zyrtare dhe për këtë duhet pritur e nesërmja, ku do të sqarohet gjithçka për sa i përket kalendarit të ri.
