Ish-deputeti i PD-së, Genc Pollo, ndërsa ka publikuar, dokumentin me të cilin Bashkia e Tiranës i kërkon Bankës Europiane të Investimeve financim për ndërtimin e Teatrit të ri, shprehet se ajo nuk duhet të financoje barbarinë nr.2.
Sipas Pollos, barbaria 2 është ndërtimi po aty i një blloku me xham e çelik pa përmendur kulla e aferat.
Pollo shkruan në rrjetet sociale se “opozita, shoqëria civile dhe miqtë europianë e një Shqipërie europiane do e sqarojnë Bankën se lalët duan t’a zhysin edhe atë në batakun e tyre. Dhe nuk do të lejojnë financim europian për barbarinë!”.
Reagimi nga Genc Pollo
Banka Europiane e Investimeve nuk do të financojë Barbarinë nr 2 !!!
Barbaria 1 e lalit të madh e të vogël ishte shembja e kompleksit historik të Teatrit Kombëtar; Barbaria 2 është ndërtimi po aty i një blloku me xham e çelik pa përmendur kulla e aferat.
Këtë të fundit duan t’a bëjnë me një hua nga Banka Europiane e Investimeve. Kjo nuk duhet të ndodhë dhe besoj se nuk do të ndodhë. Opozita, shoqëria civile dhe miqtë europianë e një Shqipërie europiane do e sqarojnë Bankën se lalët duan t’a zhysin edhe atë në batakun e tyre. Dhe nuk do të lejojnë financim europian për barbarinë!
Ashtu siç bënë që të deshtonte plani hiperkorruptiv i rrugës Milot Balldren (12 milionë Euro për km).
Duke ndalur Barbarinë 2 do të mundemi të zhbëjmë edhe Barabrinë 1! Duke e rindërtuar dhe restauruar me respekt e dashuri kompleksin historik. GP
