Një deputet ukrainas është gjetur i vdekur në zyrën e tij me plagë në kokë të shkaktuar nga arma e zjarrit.
Valeriy Davydenko, 47 vjeç, u gjet i vdekur nga një pastrues në zyrën e tij në Kiev të shtunën, shkruan “Free Europe”.
Zëvendësministri i brendshëm ukrainas, Anton Herashchenko, tha se do të kryhet një hetim gjithëpërfshirës në lidhje me këtë rast. “Policia dhe prokurorët do t’i kontrollojnë të gjitha versionet e mundshme të tragjedisë”, shkroi ai në rrjetet sociale.
Zoryan Shkiryak, një zyrtar i Ministrisë së Brendshme, tha se sipas hetimeve paraprake, besohet se deputeti ka kryer vetëvrasje.
