Presidenti Ilir Meta, i ftuar në ‘Cim Peka Live’ ripërsëriti se shembja e Teatrit Kombëtar është e pafalshme. Më tej, Meta deklaroi se akti i shembjes së objektit kulturor, ishte një hakmarrje jo vetëm ndaj artistëve, por dhe një provokim serioz për demokracinë.
“Jo vetëm hakmarrje ndaj artistëve por dhe provokim serioz për demokracinë dhe stabilitetin e vendit.”-tha Meta.
Kreu i shtetit theksoi se shembja e Teatrit Kombëtar, akt i cili u shoqërua me protesta nga Alenca për Mbrojtjen e Teatrit, drejtuesit e opozitës si dhe artisë e qytetarë, ishte një ngjarje e mirëprogramuar dhe provokues nga qeveria.
“Ishte një ngjarje e mirëprogramuar dhe provokuese. Një përpjekje për të realizuar një super gol por doli që është një autogol shumë i madh i qeverisë.”-deklaroi Meta.
Presidenti Meta, tha se do ta ndjekë si çështje pa asnjë diskutim në Kushtetuese madje edhe në gjykatat europiane.
“Sa i përket opozitës unë nuk përgjigjem për ta. Si President, do ta ndjek pa asnjë diskutim këtë cështje në Kushtetuese.
Përgjegjës për këtë gjë është ky grusht shteti dhe Presienti do ta ndjekë kudo. Edhe në gjykatat europiane. Jam i vendosur për tu angazhuar për një hetim ndërkombëtar. Krim jo vetëm për vendin por edhe ndërkombëtar.”-tha Meta.
