Zëvendëskryeministri në detyrë i Kosovës, Haki Abazi, ka reaguar pas deklaratave të kryeministrit Edi Rama.
Ky i fundit u shpreh se është ndjerë i lënduar nga deklaratat e anëtarëve të Vetëvendosjes për shembjen e Teatrit Kombëtar në Tiranë. Rama po ashtu, tha dje në një emision televizivë në Kosovë se deklaratat për shembjen e teatrit për interes të oligarkëve, kanë qenë më të rëndat.
Pas prononcimeve të Ramës, reagoi Abazi në një postim në FB.
“Të thuhet se Shqipëria nuk ka oligark është njësoj si të thuhet që Shqipëria nuk ka det. Nuk e kuptoj fyerjen dhe injorancën e Kryeministrit Rama.
Realiteti nuk është sajesë ashtu siç nuk është sajesë varfëria e shqiptarëve, ashtu siç nuk është sajesë fakt që me qindra e mijëra shqiptarë kanë ikur nga kjo politikë e injorancës dhe përbuzjes.
Veriu i Kosovës në gjendjen e keqe është qe nga 1999 dhe përkundrazi është hera e parë që ne kemi vepruar edhe në veri edhe në Luginë.
Rama po ashtu tha se nuk ka te arrestuar, por e vërteta është se ka njerez të arrestuar- e vërteta nuk ngulfatet nga patronizimi dhe injoranca e as me ekonomizimin me të vërtetën po as me ngjyrat që shkarravisin mbi të zezat”, shprehet ai.
