Neymar është i vendosur për të mos rinovuar me skuadrën e PSG-së, dhe sipas “Sport” së shpejti braziliani do të bëjë publike dëshirën për tu larguar nga klubi francez.
Sipas raportimeve, Neymar, nuk ka pranuar të ulet në bisedime me drejtuesit për një zgjatje të kontratës, dhe dëshira e tij është që të ribashkohet me skuadrën e Barcelonës.
Ylli i PSG-së ka bërë kështu një hap të rëndësishëm drejt Spanjës ndërsa fjalën e fundit do ta ketë skuadra e Barçës. Drejtuesit e klubit katalanas do të vendosin nëse duan të shpenzojnë një shifër të majme për futbollistin, duke kujtuar faktin se si objektiv kryesor është sulmuesi i Interit, Lautaro Martinez, ndërsa një marrëveshje për të dy lojtarët është e pamundur të realizohet.
