Një i moshuar, 80 vjeçar, është transportuar me urgjencë drejt spitalit të Vlorës, pasditen e sotme, por nuk ka mundur të mbijetojë.
Dyshohet se shtetasi L.H, 80 vjeç, banues në fshatin Armen, Vlorë, ka tentuar të vetëvaret.
Sipas policisë, ai është transportuar me urgjencë drejt spitalit rajonal, ku edhe ka ndërruar jetë.
Njoftimi i policisë
Rreth orës 15:45, në Spitalin Rajonal Vlorë, ka mbërritur në gjendje të rëndë dhe më pas ka ndërruar jetë shtetasi L. H., 80 vjeç, i cili dyshohet se ka tentuar të vetëvaret në banesën e tij në fshatin Armen, Vlorë, për motive ende të paqarta.
Grupi hetimor ndodhet në vendngjarje duke kryer veprimet e mëtejshme për sqarimin e rrethanave.
