Ministrja e Shëndetësisë, Ogerta Manastirliu, nuk ishte në gjendje të deklaronte mbrëmjen e sotme se sa lekë kushtonte një maskë.
Drejtuesi i emisionit, Blendi Fevziu, e pyeti 3 herë ministren Manastirliu se sa ka kushtuar një maskë, referuar edhe një deklarate të ish-Kryeministrit Berisha, sipas të cilit një maskë është blerë 8 mijë lekë.
“Jo nuk janë blerë 8 mijë lekë, janë shpifje, do e nxjerrë drejtësia të vërtetën. Unë kam kërkuar që në fillim që çështja të hetohet, por këto janë shpifje”, tha Manastirliu, duke mos dhënë një shifër se sa lekë është blerë një maskë.
