Erling Haaland së bashku me Kylian Mbappe janë dy nga futbollistët më të dëshiruar të momentit. Norvegjezi kaloi te skuadra e Borussia Dortmund vetëm në janar, por 19-vjeçari tashmë është në shënjestër të skuadrave të mëdha, sidomos të Realit të Madridit.
Një zgjidhje që i pëlqen sidomos Mino Raiola, agjentit të norvegjezit. Më parë ai ka deklaruar se gjatë merkatos së verës dëshiron të sjellë një kampion te “Los Blancos” dhe mendja të çon te Haaland dhe Paul Pogba, dy futbollistët më të mirë që ai ka në drejtim.
Ndërkohë së fundmi në një bisedë me Jose Angel Sanchez në Instagram, Raila ka deklaruar se nëse Haaland do të ishte pjesë e Real Madrid do të shënonte 50 gola në sezon duke kapur kështu rekordet e Ronaldos.
“Te Reali jam i bindur se do të barazonte rekordet e Ronaldos, me 40 apo 50 gola në sezon. Është shumë i zoti dhe pas një viti do të jetë edhe më mirë”, shpjegoi Raiola.
