Ish-futbollisti i Kombëtares Shqiptare Edvin Murati, ka bërë një gjest për tu vlerësuar për të sëmurët e një spitali në Francë.
Ai së bashku me Alain Roche, ish-futbollist dhe Nikola Karabatic, lojtar i skuadrës së hendbollit të PSG, kanë vendosur të ndihmojnë personelin e restorantit “L’Osteria”, në Francë për të përgatitur dhe të shpërndarë ushqime në spitalin e qytetit.
Gjest ky që është vlerësuar nga të gjithë dhe personat në fjalë kanë marrë falënderime të shumta.
Kujtojmë që, Edvin Murati, në Francë ka luajtur me skuadrën e PSG-së për të cilën ka bërë 16 paraqitje dhe Lille. 44-vjeçari gjithashtu ka marrë edhe titullin “Mjeshtër i Madh” nga Presidenti Ilir Meta.
