Deputeti Adriatik Alimadhi para disa javësh njoftoi se ishte prekur nga koronavirusi, ndërsa gjendja e tij shëndetësore u rëndua, duke qenë një nga pacientët që u vendos në terapi intensive.
Fillimisht Alimadhi u shtrua në spitalin Infektiv, por pas problemeve të rënda në mushkëri u transferua drejt spitalit “Shefqet Ndroqi”, i kthyer në “Covid 2”.
Pas disa ditësh trajtimi intensiv, fatmirësisht gjendja e deputetit Alimadhi është përmirësuar, por ai duket se është transformuar tërësisht për shkak të koronavirusit.
Lajmin për daljen nga reanimacioni në këtë spital e ka dhënë vetë Alimadhi, me anë të një postimi në rrjetet sociale, ku ndër të tjera ai falënderon stafin mjekësor për ndihmën, dhe punën e përkushtuar ndaj tij dhe pacientëve të tjerë.
Postimi i Alimadhit
“Sot dola nga reanimacioni dhe kam kaluar ne pavion ne nje gjendje shendetesore me te mire. Kjo sipas keshillave te mjekeve.
Nje falenderim dhe mirenjohje per shefen e reanimacionit te sanatoriumit ‘Shefqet Ndroqi’ Dr. Alma Cani. Dr. Alma me perkushtim dhe profesionalizem i sherbente te gjithe pacienteve ne reanimacion, por mbi te gjitha shume njerezore, e cila mbante kontakte me vajzat e mija dhe familjen time duke i sqaruar per gjendjen time shendetesore. Mirenjohje pafund Alma.
Respekt te veçante per çdo infermier, sanitar te reanimacionit, te cilat kishin fituar kulturen e punes ne kete profesion shume te veshtire. Ishin ato qe na sherbenin, pastronin per te gjitha sherbimet personale tonat te domosdoshme pa asnje fare ndrojtjeje. Vleresimet e mija te sinqerta per keto zonja, nena dhe motrat tona.
Aktualisht jam vendosur ne pavion ne nje gjendje me te mire shendetesore, sipas keshilles se mjekeve.
Ju pershendes te gjitheve nga zemra
Adriatik Alimadhi.
