Dy persona kanë mbetur të vrarë në Qarkun e Lezhës. Nga të dhënat e para mësohet se ngjarja ka ndodhur në fshatin Lam i Vjetër.
Raportohet se në këtë fshat ka patur të shtëna me armë zjarri, ndërsa kanë mbetur të vrarë dy persona.
Nga të dhënat paraprake mësohet se janë gjetur të pajetë dy persona të fshatit Lalm i Vjetër, të moshës rreth 60 vjeç.
Në një njoftim paraprak të policisë mësohet se janë gjetur të pajetë P.S dhe K.M.
Njoftimi i policisë
Në afërsi të fshatit Lalm i Vjetër, Lezhë, në një kodër, janë gjetur të pajetë, shtetasit P. S. dhe K. M., rreth 60 vjeç, të cilët dyshohen se mund të kenë humbur jetën si pasojë e përdorimit të armës së zjarrit.
Shërbimet e Policisë kanë shoqëruar disa persona që mund të kenë dijeni lidhur me ngjarjen.
Grupi hetimor ndodhet në vendngjarje dhe nën drejtimin e Prokurorisë po vijon punën për të përcaktuar shkakun e rrethanat e ngjarjes.
