SHÇBA e Fierit arrestoi efektivin e policisë, i cili mbremjen e djeshme u përfshi në një sherr në mes të qytetit. Gjithashtu policia ka arrestuar edhe shokun e tij.
SHÇBA arrestoi oficerin e Patrullës së Përgjithshme në Stacionin Policor Roskovec, me inicialet A.B., dhe qytetarin me inicialet D.R..
Ata akuzohen për veprat penale të “Kanosjes”, “Prishjes së qetësisë publike” dhe “Shkatërimit të pronës” kryer në bashkëpunim.
Polici ka qënë jashtë orarit të shërbimit civil por kjo nuk e ka ndaluar të nxjerë tabelën dhe të tentojë të ndalojë një makinë, e cila drejtohej nga 23 vjeçari Xhoen Osmenaj, një gazetar që administron një portal informativ.
Pasi e ndalon, polici i shoqëruar nga një person tjetër shkon dhe e qëllon me një çekiç xhamin e makinës dhe bashkë me një shok tjeter e qëllon edhe me grushte.
23 vjeçari ka qenë duke udhëtuar së bashku me një shoqe në momentin që është goditur nga polici dhe shoku i tij.
