Askush nuk kishte shënuar kurrë një hat-trick kundër Real Madrid në Ligën e Kampioneve para 24 Prillit të vitit 2013 , kështu që ideja për një lojtar të shënojë 4 gola ishte e paimagjinueshme.
Por pikërisht për këtë gjë mendoi, Robert Lewandowski. Shtatë vite më parë polaku ishte thjesht i papërmbajtshëm duke shënuar 3 gola në 17 minuta në pjesën e dytë, ndërsa golin e parë e kishte shënuar në fillimin e ndeshjes, duke i dhënë skuadrës së tij fitoren me rezultatin 4-1, në ndeshjen mes Borussias së Dortmundit dhe Realit të Madridit e vlefshme për gjysmëfinalet e Ligës së Kampioneve.
“Ishte sikur Robin Hood vendosi të merrte gjithçka nga të pasurit”, – komentoi Jurgen Klopp pas ndeshjes.
“Los Blancos” kurrë nuk e markuan dot atë, kurrë nuk ia gjetën “vaksinën”. Mbrojtja madrilene u përpoq të protestonte kundër gjyqtarit Kuipers dhe vijërojtësit, pas rezultatit 2-1, për një gol të dyshuar si “offside”. Megjithatë, as fati nuk po e falte Ramos, Varane dhe Pepe. Ishte i njëjti Pepe, që pothuajse i ishte lutur Lewandowski të ndalonte së shënuari në fund të lojës, siç zbuloi polaku. Sepse katër gola, për një sulmues me urinë e tij, nuk ishin të mjaftueshëm: “Gjatë njërës prej goditjeve të fundit të këndit, Pepe më tha se katër gola ishin tashmë të mjaftueshëm. Më kërkoi të mos shënoja më”.
Lewandowski i tregoi Evropës se çfarë futbolli i shpejtë, dhe shkatërrues i Jurgen Klopp ishte në gjendje të bënte dhe njëkohësisht konfirmoi aftësitë e tij të jashtëzakonshme të shënimit. Një sulmues i kompletuar që tregoi që nuk kishte vetëm shtatlartësinë, fuqinë dhe shpejtësinë por tregoi që në reporterin e tij kishte dhe lëvizjet prej “dhelpre” dhe teknikë të lartë me të dyja këmbët.
https://www.youtube.com/watch?v=dachHO8kPcE
