Një ngjarje e rëndë ka ndodhur këtë mbrëmje në Laç. Sipas informacioneve paraprake, një person është vetëplagosur me armë zjarri. I plagosuri është 19-vjeçari H.Gj., i cili është nisur me urgjencë drejt Spitalit të Traumës në Tiranë.
Njoftimi i policisë:
Kurbin/Informacion paraprak
Më datë 23.04.2020, në Kurbin, në banesën e tij, dyshohet të jetë vetplagosur me armë zjarri shtetasi H.Gj.,19 vjeç, i cili është transportuar në spitalin e Traumës Tiranë.
Në drejtim të vendngjarjes kanë shkuar forcat e Policisë dhe Grupi hetimor, paraprakisht nga informacionet e marra në vendngjarje pasi familjarët janë nisur në drejtim të Tiranës për të transportuar 19 vjeçarin drejt spitalit, dyshohet se është vetëplagosur me armë zjarri
Grupi hetimor nën drejtimin e Prokurorisë po punon për sqarimin e rrethanave të ngjarjes.
