Në 24 orët e fundit në Shkodër janë evidentuar dy raste të reja me Covid-19, duke e çuar numrin e të prekurve në 102 persona.
Pacientët më të fundit raportohet se janë një grua e moshuar, 77 vjeçe, dhe bashkëshortja e një prej rasteve të evidentuara një ditë më parë në këtë qytet.
Në Shkodër në 24 orët e fundit janë testuar 19 persona të dyshuar, ndërsa janë zbuluar vetëm dy raste.
Në rang vendi në 24 orë u regjistruan 29 raste të reja, prej tyre 20 vetëm në Tiranë, 13 prej të cilëve ndodhen në burgun 313.
Prej fillimit të pandemisë kemi 663 të infektuar, 27 prej të cilëve kanë humbur jetën.
Sipas të dhënave zyrtare, pavarësisht numrit të lartë të rasteve të evidentuara në 24 orët e fundit, janë vetëm dy vatra të reja.
