Pas shumë javësh të mbyllur prej koronavirusit, shtohen rastet e stresit, depresionit dhe pagjumësisë në karantinë.
Duke qenë të detyruar që të rrinë në shtëpi dhe me ngarkesë për të menaxhuar fëmijët dhe punën, kjo gjë ndikon negativisht në pushimin tonë.
Mungesa e gjumit e shoqëruar me ankth në këto ditë, mund të jetë e dëmshme për zemrën dhe trurin, ndaj është e nevojshme që të gjendet ekuilibri i duhur gjumë-zgjim.
Metoda që sugjerohet është një sekuencë numrash specialë, 4-7-8, e cila është ideuar nga mjeku amerikan Andrew Weil.
Eksperti i mjekësisë integrative premton dobi të shumta me këtë metodë ku këshillon që pë tre herë njëra pas tjetrës të merret frymë për 4 sekonda, fryma të mbahet për 7 dhe të nxirret për 8 sekonda. Duke praktikuar një metodë të tillë, gjumi do të jetë i garantuar.
