Kryeministri Edi Rama tha gjatë seancës parlamentare se ndryshimet në Kodin Penal lidhur me karantinimin në raste të epidemive se masat duhen sepse ne po shkojmë drejt hapjes.
“Thoni këtu se po vendoset diktatura, pop se Danimarka diktaturë është që parashikon 3, 6 dhe 8 bjet burg?
Po Sllovania, vend anëtar i BE-së, që parashikon 3, 5 dhe 10 vjet burg? Po Italia që e ka deri në burgim të përjetshëm në rastet kur shkelen rastet e karantinës dhe shkaktohen vdekje?
Ky virus nuk ikën siç iku gjermani i fundit, është një armik i padukshëm se do të vazhdojë që të jetë vërdalllë”, tha Rama.
Në vijim ai u shpreh se masat janë pikërisht pë rata individë që shkelin masat dhe rrezikojnë të tjerët që kanë respektuar dhe respektojnë masat.
“Po përgatisim një plan të detajuar me protokolle sigurie sipas nivelit të riskut. Plani ynë është njëlloj si ai në Austri, me një ndryshim shumë pak ditësh në hapjen”, tha Rama.
Në vijim, ai shtoi se ky rrezik nuk pyet as sa i gjatë je, as sa i shkurtër, as sa socialist apo demokrat, as sa i zgjuar apo budalla je.
“Këtë situatë duhet t´a marrim me seriozitet, mos u bëni agjentë dhe bashkëpunëtorë të Covid-19, por miratoni ndryshoni Kodin.
Mos ndihmoni ato që shkelin ligjin dhe kthehen në shpërndarës bombash, që janë denglaxhinj, që thonë dokrra, që bëjnë predikime dhe maskarada, dhe që ndihmojnë njerëz që për shkak se janë të stresuar apo për shkak të problemeve të tyre kthehen në bomba për të shpërndarë virusin”, tha Rama.
