Në vitin 2003, Man.United, udhëtoi në Portugali për të zhvilluar një ndeshje miqësore me Sporting Lisbonën.
Asokohe Ronaldo, 18-vjeçar, luante për skuadrën portugeze. Ai ishte prej kohësh nën objektivin e Sir Alex Ferguson por performanca që ai zhvilloi ndaj “Djajve të Kuq”, bëri që klubi anglez të nënshkruante me të menjëherë pas përfundimit të ndeshjes.
Në lidhje me këtë takim, Rio Ferdinand, tregoi një anektodë me takimin e tij të parë në fushë me Cristiano Ronaldo-n. Ish-qendërmbrojtësi i Manchester United ka zbuluar një prapaskenë argëtuese gjatë një evenimenti të EA Sports.
“Kemi luajtur kundër Sporting-ut në 2003-shin, kur u kthyem në dhomat e zhveshjes pas pjesës së parë, John O’Shea kishte nevojë për një bombul oksigjeni pasi kishte mbuluar Ronaldo-n”, ka thënë anglezi.
“Të them të drejtën, unë, Paul Scholes dhe Nicky Butt e thamë menjëherë ‘’Ky djalosh është i jashtëzakonshëm, duhet ta bëjmë të nënshkruajë me Manchester United’”.
“Më pas kemi marrë autobusin për t’u kthyer në hotel, por kemi qëndruar të ulur aty për rreth gjysmë ore. Pak më vonë na është thënë se disa drejtues po kërkonin të nënshkruanin një marrëveshje me Ronaldo-n”.
Vetëm pas 10 ditësh, Cristiano Ronaldo, bëri debutimin me Man.United kundër Bolton-it në “Old Trafford”.
https://www.youtube.com/watch?v=jfzap6flcC4
