Sipas stacionit radiofonik italian “Radiosei”, Lazio ka vendosur të përshpejtojë negociatat për zgjatjen e kontratës me Thomas Strakoshën.
Kontrata aktuale e përfaqësuesit të Kombëtares së Shqipërisë skadon në verën e vitit 2022, ndërsa ai fiton rreth 1.2 milion € në sezon. Ndërsa sipas raportimit të fundit, bardhëkaltërit i kanë ofruar portierit një zgjatje tre-vjeçare të kontratës ; që do të skadojë në vitin 2025 – në të cilën ai do të përfitojë 2 milionë euro në vit.
Strakosha nënshkroi me Lazion në vitin 2012 nga skuadra greke e Panionios, për vetëm 75 mijë €, ndërsa tashmë shihet si një nga shtyllat mbi të cilin Lazio do të ndërtojë ekipin.
