Shkon në 3 numri i punonjësve të policisë në Tiranë që rezultojnë të prekur nga Covid-19.
Mësohet se njëri nga efektivët shërbente si oficer roje te godina e Drejtorisë së Përgjithshme të Policisë së Shtetit, ndërsa dy të tjerë i përkasin komisariatit të Vorës, njëri prej të cilëve rast i zbuluar pak ditë më parë.
Ende nuk dihet se si janë infektuar punonjësit e policisë, ndërsa vijon hetimi epideimologjik i rasteve. Dyshimet janë se efektivët mund të jenë prekur nga Covid 19 nga kontaktet që kanë pasur me qytetarë.
Burime shëndetësore shprehen se efektivët e policisë janë karantinuar në banesat e tyre dhe gjendja shëndetësore paraqitet e stabilizuar.
