Manchester United së fundmi ka kryer disa goditje në merkaton e transferimeve, fillimisht duke blerë mbrojtësin Harry Maguiere, ndërsa së fundmi mori nga Sportingu, mesfushorin Bruno Fernandes.
Për përforcimin e mëtejshëm të skuadrës sipas mediave angleze, dy objektivat janë Jadon Sancho i Borussias së Dortmundit dhe Milinkoviç Saviç i cili aktivizohet me Lazion.
Në lidhje me këto objektiva trajneri i Mançester Junajtidit, Ole Gunar Solskjaer, është besimplotë për të ardhmen e “Djajve të Kuq”. Norvegjezi nuk ka pikë dyshimi sa i takon merkatos që do të vijë dhe nuk beson se kriza e shkaktuar nga koronavirusi do të prekë arkat e klubit dhe do të kushtëzojë hyrjet që ai ka programuar për përforcimin e skuadrës.
“Sa i takon transferimeve, nuk e dimë sesi do të jetë situata. Nuk mund ta dimë se cilët klube do të shesin lojtarë. Ajo që unë di, është se Mançester Junajtid është një nga më të mëdhenjtë në aspektin financiar. Jam i sigurt se do të jemi në gjendje që të bëjmë merkaton që duam”. – ka thënë Solksjaer ndër të tjera për “Sky Sports”.
