Nga Boldnews.al
Kryeministri shqiptar, Edi Rama, ishte një ndër të paktët drejtues qeverie, të cilët e konsideruar “fatkeqësi” nëse Donald Trump do të zgjidhej në krye të Shtëpisë së Bardhë, gjatë fushatës për zgjedhje presidenciale në Shtetet e Bashkuara të Amerikës, në vitin 2016.
Por, prej asaj kohe kanë kaluar shumë ujëra dhe e dërguara e Trump-it në Shqipëri, Yuri Kim, e sheh kryeministrin shqiptar si të barabartë me presidentin e saj.
Në një mesazh sensibilizues për përballimin e pandemisë së korona-virusit, diplomatja amerikane publikoi në profilin zyrtar të ambasadës në rrjete sociale një auto-video, në të cilën deklaroi se, në takime që kishte zhvilluar këtë të Hënë, u kishte dhënë mbështetje Presidentit shqiptar, Ilir Meta dhe kryeministrit Edi Rama, për “lidershipin e unifikuar për përballimin e epidemisë”.
Por, pjesa më e ekzagjeruar në mesazhin e Yuri Kim ishte shprehja: “Ashtu si ka thënë Presidenti Trump dhe kryeministri Rama, kjo (pandemia) është luftë dhe për të fituar një luftë duhet disiplinë dhe bashkim”.
Yuri Kim u tregua lakonike dhe nuk e detajoi se kush e ka thënë këtë shprehje i pari. Ndoshta do e ketë kopjuar Donald Trump-i nga Rama dhe ambasadorja amerikane nuk është ndjerë komode?
Që prej zgjedhjes së Donald Trump në krye të Shtëpisë së Bardhë, asnjë prej ambasadorëve që ka qenë në Tiranë në këtë përiudhë, përfshirë Yuri Kim dhe Donald Lu, nuk kanë shprehur asnjë shqetësim për faktin që kryeministri Rama e ka konsideruar Presidentin e tyre si “fatkeqësi”.
Por, Yuri Kim u tregua shumë e prerë, kur shprehur hapur mos-dakordësinë e saj për faktin që Presidenti shqiptar, Ilir Meta, valëviti me krenari flamurin amerikan në takimin e 2 Marsit, në shenjë vlerësimi për kontributin e shqiptaro-amerikanëve në forcimin e demokracisë në Shqipëri.
