Covid 19, i kthyer tashmë në një pandemi botërore, ka shkaktuar mbi 10 mijë viktima në mbarë Botë, ndërsa Italia dhe Kina kryesojnë përsa i takon numrit të të infektuarve dhe numrit të jetëve njerëzore të humbura.
Por për një familje të New Jersey, virusi i rrezikshëm ka shkaktuar 4 viktima.
Tragjedia është rrëfyer nga një pjesëtar i familjes, e cila ka përjetuar humbjet e jetëve të të afërmve të saj brenda pak ditësh.
Vincent Fusco vdiq të enjten në mëngjes në një spital në Freehold, New Jersey, tregon motra e tij Elizabeth Fusco dhe Roseann Paradiso Fodera, avokat dhe i afërm i familjes. Vincent ishte vetëm 50 vjeç.
Nëna e tij, Grace Fusco, 73 vjeç vdiq të mërkurën në mbrëmje, disa orë pas vdekjes së djalit të saj të madh, Carmine Fusco, një instruktor garash me kalë.
Rita Fusco-Jackson, 55 vjeç, motra e Carmine dhe Vincent, vdiq të premten e kaluar. Gjyshja Grace as nuk kishte mundur të mësonte edhe se dy fëmijët e saj kishin vdekur.
Në një intervistë për CNN, Elizabeth, përshkroi momentet drithëruese që çuan në vdekjen e anëtarëve të familjes së saj.
“Absolutisht është kaq surreale. U zgjova të martën në mëngjes dhe mamaja më thirri dhe më tha Lizi nuk jam mirë, Rita nuk është mirë, Toni nuk është mirë. Mund të vish dhe të na ndihmosh? Unë absolutisht që shkova“, shpjegoi Elizabeth.
Duke treguar se si mësoi për vdekjen e të afërmve, ajo tha se ishte pikëlluese kur telefoni binte dhe lajmëronte për humbjet një e nga një.
“Unë kurrë nuk do mundem ta kaloj këtë, por nuk dua ta dëgjoj më kurrë atë zile telefoni. Kjo është arsyeja pse ne thjesht lutemi për ndihmë. Asnjëherë më nuk duam ta marrim atë telefonatë, përsëri, përsëri për shkak të kësaj. Ne kemi humbur“.
