Kryeministri Edi Rama dhe Guvernatori i Bankës së Shqipërisë, Genc Sejko, nënshkruan një ditë më parë për shtyrjen me 3 muaj të pagesës së kësteve të kredive nuk është detyruese për sistemin bankar.
Kjo do të thotë se mbetet sërish në vlerësimin e bankës, që pas analizimit që do t’i bëjë kërkesës që do t’i vijë nga kredimarrësi, të vendosë nëse do t’i shtyjë pagesat e kësteve të kredive të klientit apo jo. E njëjta procedurë ishte parashikuar edhe në vendimin e publikuar më herët nga Këshilli Mbikëqyrës i Bankës Qendrore.
E reja e vetme në marrëveshjen me kryeministrin qëndron në përcaktimin e afatit 3 ditor të procesimit të çdo kërkese nga ana e bankave. Por, edhe kjo pikë është e vështirë për t’u respektuar, pasi, një rast kredie nuk i ngjan një tjetri, raporton A2.
Kjo do të thotë se bankës do t’i duhet kohë e ndryshme në vlerësimin e kërkesave për shtyrjen e pagesës së kësteve, në bazë të rastit që shqyrtohet dhe historikut të tij të kredisë. Ekspertët e sistemit bankar shpjegojnë se qeveria mund të kishte nxjerrë VKM për ta bërë detyruese shtyrjen e pagesës së kësteve të kredisë, raporton A2.
