Nga Helidon Tahiraj
Do jetë një program televiziv se kush e spiunonte Selman Stërmasi.
(E çuditshme! E spiunonin dhe në burg nuk e futen! Si puna e Selmanit, spiunohej 99% e njerëzve.)
Vllazinë p.sh që kishte 100 vjetorin vjet, në monizem nuk e spiunonin. Ata vlonjatët te Flamurtarit, nuk spiunoheshin fare.
Jam i bindur edhe unë që, Selmanin nuk e spiunonin shokët e tij (siç ndodhte përherë në raste spiunimi).
Ate e spiunonin tifozët e Partizanit dhe Dinamos.
Edhe diçka miqësisht, gazetarëve sportive.
Mos bëni kurrë kronika për ekipin që perkrahni, sepse në vend të profesionalizmit, futet pasioni.
Sportklub Tirana (emri zyrtar) që tani ca nga Lushnja i thonë Tirona, nuk u prit nga Mbreti Zog, sepse kishte rezultate të larta, por kishte rezultate të larta, sepse kishte përkrahjen e mbretit Zog.
Atij i duhej një simbol, për të treguar se si po ndryshonte kryeqyteti.
Ky në foto është përmetari i shumëstudiuar Teki Selenica, gjyshi i mikut tim të mirë dhe “armikut” tim Floriel Selenica. Them armik, pasi është tifoz bardheblu.
Teki Selenica ishte Sekretar i Pergjithshem i Kryeministrisë. Një nga të besuarit e Zogut. Ishte Presidenti i Parë i Sportklub Tiranës.
Ishte firma e tij edhe kur nuk ishte President, që i mundësonte ekipit lëvizje me avion në ndeshjet në transferte. Sportklub Tirana ishte i vetmi klub që lëvizte me Aeroplan, pasi rrugët ishin të papërshtatshme. Fal fondeve qeveritare, Sportklubi fitoi 6 kampionate në 8 që u zhvilluan gjithsej. Ishte kjo përkrahje që e detyroi Skënderbeun e Korçës të tërhiqej nga ndeshja finale në Kampionatin e Parë.
Na i kurseni ju lutem lavdet pa fund për te ndjerin Selman Stërmasi, se me demek e mbante ai ekipin. Stërmasi ishte i apasionuar me shpirt, por nuk ishte ai që jepte fonde.
Dhe mbusheni mendjen top: Nuk ishin “familjet e mëdha” tiranase që ndihmuan Sportklub Tiranën! Siç nuk ishin as në pluralizem. El Sajed, Shefikat, Papuli etj…
Pa jabanxhinjtë si Zogu dhe Selenica, qyteti do ishte si Kavaja dhe Sportklub Tirana një klub jo me ato rezultate. (Kjo nuk më pengon të vleresoj lojtare si Muça, Minga, Lekbello).
