Deputeti Lefter Maliqi ka reaguar përmes një postimi në rrjet pas publikimit të një pjese të draft-raportit nga Komisioni i Venecias, i cili rrëzon Rilindjen në tentativën për t’i marrë kompetencat Presidentit lidhur me anëtarët e Gjykatës së Lartë, por hedh dyshime edhe mbi veprimtarinë e KED-së së drejtuar nga Ardian Dvorani.
Maliqi shkruan se beslidhja e krimit rrezikon Kushtetutën, demokracinë dhe të ardhmen europiane të shqiptarëve.
Në këtë kuadër ai bën thirrje për vijimin e beslidhjes me shqiptarët, me revolucion demokratik deri në goditjen përfundimtare të besëlidhjes së krimit, të kësaj bande oligarkësh që ka paralizuar jetën politike dhe ekonomike të vendit, me varfëri, pasiguri, çpopullim, zgjedhje lokale moniste, kapje institucionesh, duke synuar instalimin e diktaturës.
Postimi nga Lefter Maliqi
Venecia foli, Presidenti ka të drejtë.
Kushtetuta, Demokracia dhe e ardhmja Europiane në rrezik nga Besëlidhja e krimit.
Populli në 2 Mars foli, i cili vërshoj si Uragan si asnjëherë më parë, frika u thye, shpresa lindi. Besëlidhja me shqiptarët duhet të vazhdojë më fortë, me revolucion demokratik deri në goditjen përfundimtare të besëlidhjes së krimit, të kësaj bande oligarkësh që ka paralizuar jetën politike dhe ekonomike të vendit, me varfëri, pasiguri, çpopullim, zgjedhje lokale moniste, kapje institucionesh, duke synuar instalimin e diktaturës.
Kalorësi dështak i Rilindjes (KM) pas 2 Marsit i ka ikur zëri dhe ngjyra e fytyrës nga manifesimi madhështor. S’ka kthim prapa, koha ta largojmë këtë të keqe të madhe sa më parë, nesër do jetë vonë për demokracinë dhe të ardhmen europiane.
