Rastet me koronavirus po rriten në të gjithë Evropën: Gjermania kaloi Francën (670 raste në 613). Deri mëngjesin e sotëm në të gjithë Botën rezultojnë të prekur nga koronavirusi mbi 102 mijë persona, ndërsa kanë humbur jetën 3491. Italia rezulton vendi më i prekur në Europë me 4636 të prekur dhe 197 viktima.
Vetëm në 24 orët e fundit, 49 persona kanë vdekur në Itali, duke e çuar në 197 numrin e përgjithshëm të viktimave. Kjo është shifra më e lartë e vdekjeve për një ditë prej kohës kur në vend u regjistrua rasti i parë.
Sipas Institutit Kombëtar të Shëndetësisë në Itali, mosha mesatare e personave të vdekur është 81 vjeçe dhe shumica e viktimave kanë qenë duke vuajtur edhe nga probleme të tjera shëndetësore. Rreth 72 për qind e personave të vdekur ishin burra.
Në bazë të të dhënave të qeverisë italiane, shkalla e vdekshmërisë së personave të infektuar është 4.25 për qind, që njëkohësisht është niveli më i lartë në botë.
FRANCA
Janë 613 pozitive me koronavirus, nga të cilët 9 vdiqën dhe 12 jane shëruar. Në krahasim me një ditë më parë, ka 138 raste të reja, që tregon një rritje shumë të theksuar në krahasim me fillimin e krizës në fund të janarit. Kishte 23 persona të pranuar në kujdesin intensiv ditën e enjte, më 5 Mars. Shumë raste pozitive nuk mbahen në spital: veçanërisht në ditët e fundit, është vendosur që të hospitalizohen vetëm raste serioze. Tre të sëmurët e parë u identifikuan në 24 janar, tre persona me origjinë kineze u kthyen nga Wuhan.
GJERMANIA
Që nga 6 Mars, ka pasur 670 raste zyrtare me Coronavirus. Ende nuk ka vdekje, por një person eshte ne lufte me vdekjen në një klinikë në Aaachen. Rasti i parë zyrtar i njohur në Gjermani daton në 28 janar dhe ndodhi në Bavari në provincën e Starnberg. Por ndoshta më herët, sipas një letre nga një grup mjekësh gjermanë të botuar në New England Journal of Medicine, një burrë gjerman 33 vjeçar nga Kaufering do të ishte i pari evropian që do të infektohej, duke hyrë në kontakt me punonjësin e kompanisë kineze ne te cilen punon.
BRITANIA
Janë 163 raste (30 të diagnostikuara në 24 orët e fundit). Vetëm një viktimë: kjo është një grua 75-vjeçare që kishte probleme të tjera shëndetësore. Një britanik vdiq në anijen e lundrimit Diamond Princess javën e kaluar, por ai ishte një banor jashtë Anglise dhe nuk hyri në statistikat zyrtare. 18 vetë u shëruan. 45 janë të izoluar.
SPANJE
Që nga 6 Marsi, 386 raste janë regjistruar në Spanjë, duke u rritur në mënyrë të qëndrueshme, përfshirë te shtruarit në spital, të vdekur dhe të shëruar në 17 rajone. Deri tani, tetë viktima jane të konfirmuara. E para, daton më 13 shkurt, është një burrë 69-vjeçar që kishte udhëtuar për në Nepal. Rasti i pare i zyrtarizuar me virusin korona ishte me 2 shkurt, ishte një turist gjerman me pushime në Tenerife. Komuniteti më i prekur është ai i Madridit, i ndjekur nga afër nga Katalonja.
