Premier League/ Arsenali kërkon vazhdimësinë ndaj West Ham, Liverpool tenton kthesën kundër Bournemouth

Ditën e sotme luhet java e 29-të e Premier Ligës angleze. Në fushë do të zbresin disa nga klubet më të mëdha të vendit ishullor teksa Liverpool, Arsenali dhe Tottenham luajnë për qëllime të ndryshme.

“Të Kuqtë” e Jurgen Klopp duket sikur kanë lëshuar terren në paraqitjet e tyre së fundmi teksa kanë marrë 2 humbje radhazi dhe u eliminuan nga Fa Cup nga skuadra e Chelsea-t.

Me humbjen në kampionat, Liverpool-i i dha fund shpresës për të përsëritur vitin e Arsenalit në sezonin 2003-2004 ku qëndruan të pamposhtur. Gjithsesi titulli kampion i cili ishte dhe qëllimi i madh i skuadrës tashmë është vetëm një formalitet.

Për tu rikthyer te rrugët e fitores, Liverpooli duhet të mposhtë sot Bournemouth-in. Miqtë pritet të rivalizojnë ashpër për vetë faktin që gjenden në zonën e rënies nga kategoria dhe çdo pikë për ta është shumë e vlefshme.

LEXO EDHE  Ndeshja ndaj Shkëndijës, flet Mourinho: Futbolli ka ndryshuar, sot skuadrat e vogla mund të eliminojnë!

Në ndeshjet e tjera Arsenali luan në shtëpi kundër West Ham-it. “Topçinjtë” së fundmi duke se kanë gjetur vazhdimësinë, teksa regjistrojnë plot 7-të ndeshje pa humbje në kampionat, duke ringjallur kështu shpresat për një vend në kompeticionet evropiane.

Një vend në Europë kërkon edhe Tottenhami i Mourinho-s, të cilët udhëtojnë në transfertën e Burnley-t. Tottenham vjen pas dy humbjeve radhazi e para kundër Chelseat në “Stamford Bridge” ndërsa fundjavën e kaluar zhgënjyen në shtëpi ndaj Wolves duke humbur me rezultatin 2-3.