Autoritetet në Francë kanë konfirmuara 423 raste me koronavirus. Të dhënat u bënë publike mbrëmjen e së enjtes, ndërsa COVID 19 ka shkaktuar 7 viktima.
Ndër rastet e reja të të prekurve janë një deputet dhe një shofer autobusi, që jetojnë në zonën pranë aeroportit Orly në jug të Parisit.
Të Premten, presidenti francez u bëri thirrje qytetarëve të vendit të tij të kufizojnë vizitat në shtëpitë për të moshuarit.
“Ne duhet të shmangim sa më shumë vizitat tek të afërmit tanë të moshuar,” tha Emmanuel Macron gjatë një vizite në një azil pleqsh në Paris.
Macron u shpreh se një epidemi e koronavirusit ishte “e pashmangshme”.
Ai paralajmëroi gjithashtu se kjo epidemi do të zgjasë me javë.
Rreth 150 shkolla janë mbyllur tani, duke lënë 45,000 nxënës dhe 3,000 mësues dhe profesorë në shtëpi.
