Listat e hapura dhe sistemi zgjedhor do të diskutohen në mbledhjen e datës 6 mars. Kjo u vendos sot nga tryeza për Reformën Zgjedhore.
Në një prononcim për mediat, deputetja Rudina Hajdari, bashkëkryetare e Komisionit ad-hoc të Reformës Zgjedhore, u shpreh senuk do të tërhiqet nga çështja e ndryshimit të sistemit.
Ajo theksoi se opozita parlamentare do të paraqesë propozime konkrete lidhur me sistemin dhe listat e kandidatëve për deputetë.
Por duket se Hajdari ka zgjedhur të thumbojë Presidentin, Ilir Meta, i cili dje organizoi një manifestim në mbrojtje të Kushtetutës.
“Nuk mjafton të dalim të ulërasim në sheshe, por të hapim sistemin. Kjo gjë nuk po ndodh sot. Ne duhet të tregojmë popullit se jemi këtu për ata dhe se nesër përfaqësimi i tyre do të jetë i denjë. Uroj që javës tjetër të vijojmë misionin për hapjen e listave për një sistem të barabartë për të gjithë”, tha ajo.
